એવું બને! August 29, 2016
Posted by chimanpatel in : ગઝલ , 3 commentsએવું બને!
કેડમાં હોય છોરુ ને ખોળો બધે, એવું બને!
કેદાર જઇને જાત્રા, અધુરી રહે, એવું બને!
મૂકી આવીએ માબાપને, ઘરડા ઘરમાં જઇ,
મૃત્યુ પછી ભજનો, નિત ગાઇએ, એવું બને!
પૈસા લખાવો આગળ પડી, ટીપ્પણીમાં કાયમ,
માગવા આવે ઘેર જ્યારે, મોઢું બગડે, એવું બને!
મંદિર બનાવ્યું મોટું ઘરમાં પૈસા ખૂબ ખરચીને,
ગામના મંદિરોના દર્શને, જીવ દોડે. એવું બને!
પતિ જો હોય જ્ઞાની, ધાર્મિક ને પુસ્તકોનો પંડિત,
બાપુને સાંભળવા બેસો, સખીઓ જોડે, એવું બને!
પત્ની મળી વફાદાર ને વળી સીતા સમી ‘ચમન’,
મંદિરોમાં જઈને નજર, રાવણની બને, એવું બને!
• ચીમન પટેલ ‘ચમન’ (૧૬ઓગષ્ટ’૧૩/૨૮ઓગષ્ટ’૧૬)
•
