jump to navigation

મારા વાંચનમાંથીઃ February 19, 2012

Posted by chimanpatel in : મારા વાંચનમાંથીઃ , add a comment

(૧) ઊંઘ ન આવવીઃ

* સૂતાં પહેલાં ઠંડા પાણી વડે હાથ-પગ ધોઈ તાળવે ઘી ઘસવાથી ઊંઘ આવશે.
* કાંદાનું રાયતું રાત્રે ખાવાથી સરસ ઊંઘ આવશે.
* ગોળ સાથે ગંઠોડાનું ચૂર્ણની ફાકી લેવાથી અને પગે દીવેલ ઘસવાથી ઊંઘ આવશે.
* ૨ થી ૩ ગ્રામ ખસખસ વાટીને સાકર અને મધ અથવા સાકર અને ઘી સાથે સૂતી વખતે લેવા.
* દૂઘમાં ખાંડ તથા ગંઠોડાનું ચૂર્ણ નાખી ઉકાળી પીવાથી ઊંઘ આવશે.
* રાતે સૂતી વખતે મદ્ય ચાટવાથી ઊંઘ જલદી આવશે.

બારાત! February 14, 2012

Posted by chimanpatel in : મુક્તકો , 1 comment so far

દગો દઇ મને દિવાનો બનાવ્યો એ તો ઠીક,
બારાત શું કરવા કાઢી મારા ઘર આગળથી!

ચીમન પટેલ “ચમન”

પરખ !

Posted by chimanpatel in : મુક્તકો , add a comment

અરક કાઢી જાણે માનવી ફુલોમાંથી,
પરખ તો નથી એને માનવ ફૂલોની!

ચીમન પટેલ “ચમન”

મળવાનું થયું! February 13, 2012

Posted by chimanpatel in : હાસ્ય કાવ્યો , 5 comments

મળવાનું થયું !

‘કોમ્પ્યુટર’ પર એને ને મારે મળવાનું થયું,
બાગ-બગીચા વગર અમારે મળવાનું થયું.

ઠંડી ગરમી કે વરસાદની કોઈ ચિંતા નથી,
ઘરમાં બેસીને જ ગમે ત્યારે મળવાનું થયું.

એને મળવા માટે જૂઠું બોલવું પડતું નથી,
‘ઈમેલ’થી જ દિવસે ને રાતે મળવાનું થયું.

છબી એની મૂકી છે ‘સ્કી્‌નસેવર’ પર હવે,
દર્શન કરીને નિત એની સાથે મલકવાનું થયું.

‘આઈકૉન’ એડ્રેસનો છે હવે ‘ડેસ્કટોપ’પર,
‘ડબ્બલ ક્‌લીક’કરી રોજ એને લખવાનું થયું.

થઈ જાય ‘સરવર’ જ્‌યારે જ્‌યારે ‘ડાઉન’,
‘કીબોર્ડ’ પર થોડાક આંસુને પાડવાનું થયું.

વાતો એની ‘સેવ’ કરી કરી ખૂટી છે જગ્યા,
એટલેતેા ‘હાર્ડડીસ્ક’ને મારે બદલવાનું થયું,

‘કટ’ ને ‘પેસ્ટ’ કરીને સમય બચાવ્યો ઘણો,
મારા કેટલાક મિત્રો સાથે એને મળવાનું થયું.

‘ઈમેલ’ એની હવે નથી આવતી કદી ‘ચમન’,
દુઃખી દિલે બઘુ ‘ડીલીટ’ મારે કરવાનું થયું!!

૦ ચીમન પટેલ ‘ચમન’
(૧૭મે’૦૩)

મારી પત્ની/પ્રિયાને (એક વર્ષની વિદાય પછી) February 7, 2012

Posted by chimanpatel in : હાઈકુ , 1 comment so far

મારી પત્ની/પ્રિયાને (એક વર્ષની વિદાય પછી)

પોઢી ગઇ તું,
ખેંચી લાંબી ચાદર-
મૂકીને મને!!
*****
ન માને મન,
ગઈ તું ઘણી દૂર-
પહોચું કેમ?
*****
ચીમન પટેલ “ચમન” (૦૭ફેબ્રુ’૧૨)

Type in
Details available only for Indian languages
Settings Settings reset
Help
Indian language typing help
View Detailed Help