અસ્થિર મન ! March 16, 2012
Posted by chimanpatel in : અછંદ કાવ્ય , 12 commentsઆજ,
સવારથી જ બેચેની-
મન પર સવાર થઇ બેઠી છે!
ચિત્ત;
ચોટતું નથી કશામાં,
તન તૂટી રહ્યું નશામાં,
બોટલ તો ખાલી થઇ,
આવીને એ ચાલી ગઇ!
તૄષા;
મારી હજી છીપાઇ નથી!!
ચીમન પટેલ “ચમન”
પગલાં-એક હાઇકુ March 9, 2012
Posted by chimanpatel in : હાઈકુ , 2 commentsશોધુ રેતીમાં,
દરિયા કિનારાની-
એના પગલાં !
ચીમન પટેલ “ચમન” (૦૭માર્ચ’૧૨)
હોળી March 8, 2012
Posted by chimanpatel in : પ્રસંગ કાવ્યો,Uncategorized , 8 commentsરંગરાગ
આજ
ઘૂળની જેમ
ઊડી રહી રંગની છોળો
એકલવાયા
મારા મનને
શીદ આવી ઢંઢોળો ?
રંગ ઘોળ્યો દિલડું ડહોળી
ભરી પિચકારી એમાં બોળી.
પણ-
રમવી કોની સંગમાં હોળી ?
આજતો,
મારેય છે રંગા’વું,
પિચકારીએ છે છંટા’વું
સંગે રમી
રંગે રમી
દિલડું મારેય છે બહેલા’વું !
ઉરના કો એકાંતે
આવી ‘એ’ લઈ પિચકારી
રંગી દીઘો
ભીંજવી દીઘો
મને એના કસુંબલ રંગથી !
ત્યારથી-
એ રંગરાગમાં
એની સંગમાં
આજ લગી રંગાયેલ છું !!
૦ ચીમન પટેલ ‘ચમન’