તાલી પાડુ છું! November 17, 2013
Posted by chimanpatel in : ગઝલ , trackbackવ્યક્તિ ઓળખું કે ન ઓળખાય, તાલી પાડું છું!
ભાષણ સમજાય કે ન સમજાય, તાલી પાડું છું!
તાલી મારે પાડવી કે ન પાડવાની માથાકૂટ છોડી,
મોં ભલેને પ્રેક્ષકોનું પછી મરડાય, તાલી પાડું છું!
પાર્ટી સંગીતની હોય કે હોય ક્યાંય ભજનો પછી,
ગાનાર સાંભળીને પછી હરખાય, તાલી પાડું છું!
માઇક મળતાં ભાન સમયનું જે ભૂલી જતા હોય;
બેસી જવાનું એમને પછી સમજાય, તાલી પાડું છું!
મહેમાનોને સાંભળી, તાલીઓથી વઘાવ્યા પછી,
ઘરકી મુરઘી દાળ પછી ન કહેવાય, તાલી પાડું છું!
તાલી પાડવાની ટેવ પડી ગઇ છે હવે તો એવી,
જાત મારી પછી સૌને પરખાય, તાલી પાંડુ છું!
સરી જાય શબ્દો ગઝલના સમજ્યા વગર સૌને
‘ચમન’ પછી એકલો ન પડી જાય, તાલી પાડું છું!
***************
ચીમન પટેલ ‘ચમન’ (૧૭નવેમ્બર’૧૩)
Comments»
બહુજ સુંદર રચના !!!
Chimanbhai,
It was my pleasure meeting you for the 1st time @ 139th Bethak of Gujarati Sahitya Sarita at Houston.
It was my pleasure to hear the Poem at that meeting.
I had created a Poem in response,,,,,
તાળી પાડી અનેક જગાએ અને અનેક કારણે,
પણ..કોઈએ ના પૂછ્યું પાડો છો તાળી શા કારણે ?
હવે, તો તાળી પડવાના વિચારથી ગભરાય રહ્યો છું,
અને, ગભરાયને સૌને પૂછી રહ્યો છુંઃ
“ચમને તાળીઓ પાડી ઘણી,
તેમાંથી સમજણ કાંઈક કોઈને મળી ?”
તાળી પાડવાનું ચમન-કાવ્ય મેં તો સાંભળ્યું,
જે સાંભળ્યું તે મેં “ગુજરાતી સાહિત્ય સરીતા”ની બેઠકે સાંભળ્યું,
તો હવે ચમનને હું કહું ઃ
હ્રદયનું શબ્દોમાં તમે લખતા રહો,
કોઈ તાળી પાડે કે ના પાડે તેનું જરા ના વિચારો,
તમારે જો તાળીઓ પાડવી હોય તો પાડતા રહો,
એની ગણતરી ચંદ્ર કરી હૈયે આનંદ માણી રહ્યો !
……ચંદ્રવદન
રચના તારીખ નવેમ્બર ૧૯,૨૦૧૩
DR. CHANDRAVADAN MISTRY
http://www.chandrapukar.wordpress.com
Inviting you & your Readers to my Blog Chandrapukar !
Hope to see you soon !
અમે તો તમારી કવિતા સમજીને તાળી પાડી હોં!
‘ચમન’ની ગઝલની મજા માણી લઈને,
મનોમન કહી, ‘કેવી સુંદર કવિતા?’
સુણાવીય દીધી સહુ મિત્ર જનને
‘ચમન’ ખુશ રહો, લો! આ તાળીય પાડી !
—
અને અહીં પડઘો પણ પાડ્યો !
http://dhavalrajgeera.wordpress.com/2013/11/21/taali_chaman/
ચીમનભાઈ તમારી આ સુંદર કવિતા
વાંચી , ગમી અને એટલે જ અમે
ખુશ થઇ હરખની તાલી પાડી છે હોં !
Bahero ane moorkh be vakhat hase ena jevu.
પ્રતિભાવ આપનાર સૌનો આભાર તાલી સાથે,
ચીમન પટેલ “ચમન”
તાલીઓ સાથે તાલ મીલાવી..શ્રી ચીમનભાઈએ દાદ મેળવી લીધી. એક આગવો આનંદ લહેરાવાની આ કલા આમ જ ખીલતી રહે, એવી શુભેચ્છા.
રમેશ પટેલ(આકાશદીપ)
ચીમનભાઈ,
સરસ, મનનાં ભાવ હળવાશથી પીરસ્યા છે. “ચમન પછી એકલો…” વિશેષ ગમી.
સરયૂ
આભે સૂરજ ચાંદતારા કે વાદળ ભલે હોય કે ન હોય
મેઘધનુ નિહાળી ખુશ થઈ જોરથી તાળી પાડું છુ
શાંત ઘરમાં તાળીનો અવાજ કર્ણપ્રિય લાગે છે
http://www.pravinash.wordpress.com
પ્રવિણાબેન,
નવા વર્ષે પ્રતિભાવ પિરસી આભારી કરી દીધો.
‘ચમન’