મહાપ્રસાદ December 2, 2014
Posted by chimanpatel in : અછંદ કાવ્ય , trackbackમળ્યો
મને આજે મહાપ્રસાદ!
ભગવાનને ધરાવેલો;
એક
મિત્રપત્ની પાસેથી.
મૂક્યો મોઢામાં મેં ને
એમણે પૂછ્યું !
સ્વાદમાં તો છે ને બરોબર?
મેં કહ્યું;
અમે પુરુષો તો
ખાઈ જ જાણીએ!
સ્વાદની સમજણ
તમારા જેવી નહીં!
મેં પૂછ્યું,
તમે તો ચાખ્યો જ હશે ને,
ભગવાનને ઘરાવતાં પહેલાં?
ન ચખાય?
ચમકતી આંખે એ બોલ્યા!
મેં કહ્યું;
તો
ભગવાનને
ગમ્યો કે નહીંની
કેમ ખબર પડે?
એ ચુપ હતા!
હું
વિચારતો’તો-
શબરીએ તો,
ચાખી ચાખીને બોર
ભગવાનને પ્રેમથી ખવડાવ્યા હતા!
ને
ભગવાને પણ
ખાધા બઘા પ્રેમથી!!
*ચીમન પટેલ “ચમન” (૧૧-૧૧-૧૪)
Comments»
સરસ વિચાર. રીત-રસમ અને અંતરના ભાવના ફર્કનો પરિચય આ કાવ્યમાં થાય છે.
સરયૂ
Hi Haiku King!
નવી પદવી આપી દિધી; તમે કે તમારા નામે બીજા કોઈએ?!