‘પનામા પ્રવાસમાં’ લખાયેલ હાઇકુઃ ચીમન પટેલ “ચમન” April 21, 2012
Posted by chimanpatel in : હાઈકુ,Uncategorized , trackbackએને જોઇને,
યાદ આવી જાય છે;
સ્વગૅસ્થ પત્ની!!
૦ ૧૭એપ્રિલ’૧૨
છલકાય છે,
દિલ મારું તો તારા-
ચંદ્રમુખથી!
૦ ૧૮એપ્રિલ’૧૨
ખાલી સીટમાં,
બેઠી એ મારી સાથે;
મિત્રો વિચારે!!
૦ ૧૯એપ્રિલ’૧૨
વિચારું છું તો-
રડું છું અંદરથી;
સુના ઘરમાં !
૦ ૧૯એપ્રિલ’૧૨
મળી એ મને,
પ્રવાસમાં એકલી;
હસાવી(રડાવી) ગઇ!
૦ ૨૦એપ્રિલ’૧૨
Comments»
ચીમનભાઈ,
આપનાં આત્મલક્ષી વિષાદ હાઈકુઓના વાંચનથી આપના વિષાદમાં હું સમસંવેદનશીલતા અનુભવું છું. ઈશ્વર સ્વર્ગસ્થના આત્માને શાંતિ અર્પે અને આપને આપનાં પત્નીના વિયોગને સહન કરવાની શક્તિ આપે.
કુશળતાપ્રાર્થી,
વલીભાઈ
જીવન સાથી વિના એકલા પ્રવાસ કરવો પડે ત્યારે પહેલાં
સાથે કરેલા પ્રવાસોની યાદ અને વિશાદ સતાવે એ સ્વાભાવિક છે.અને મનમાં આવું કાવ્ય જ સર્જાય
ખાલી સીટમાં,
બેઠી એ મારી સાથે;
મિત્રો વિચારે!!
આ બધાં હાયકુમાં તમારા હૃદયનો ભાવ સરસ રીતે વ્યક્ત થયો છે.
આપની રચનામાં આપની પત્નિ પ્રત્યેનો આપનો પ્રેમ અને વિયોગ છલકાય છે.
સ્વજન વિના તેની યાદોમાં અને વિયોગમાં જીવવુ એ પણ જીન્દગી છે, તેમાં
એકલા યાદોને સહારે જીવવાનુ છે.
વિનોદભાઇ અને હેમાબેન,
સમય લઇ,સુયોગ્ય કોમેન્ટ લખવી એ પણ એક કલા છે જે આપની પાસે છે.
તમે બંનેએ જીવન સાથીનું દુઃખ અનુભ્વ્યું છે એટલે વધારે શું કહું,
આભાર સહિત,
“ચમન”