jump to navigation

ઉપવાસો! May 15, 2016

Posted by chimanpatel in : અછંદ કાવ્ય , add a comment

ઉપવાસો!

ઘરની નાર
અગિયારસો કરે,
ભૂખ્યા રાખી
ઘરના
ઘરડાઓને!

*ચીમન પટેલ ‘ચમન’ (૧૪મે’૧૬)

ટોડલે તોરણ!

Posted by chimanpatel in : અછંદ કાવ્ય , add a comment

ટોડલે તોરણ!

તોરણ
બાંધ્યું ટોડલે!
‘ભલે પધાર્યા’નું!
ભૂલથી
જો
ગયા અંદર;
તો
માલકણનું
મોં
ચડી જાય છે!

*ચીમન પટેલ ‘ચમન’ (૧૪મે’૧૬)

તાપ!

Posted by chimanpatel in : અછંદ કાવ્ય , 1 comment so far

તાપ!

ધરતી જ્યારે
ખૂબ તપી જાય;
ત્યારે,
વાદળો ભેગા થઈ
સારે આંસું!

*ચીમન પટેલ ‘ચમન’ (૧૪મે’૧૬)

એક શેર, એક મુક્તક ને એક ગઝલ! January 24, 2016

Posted by chimanpatel in : ગઝલ , 2 comments

એક શેર,એક મુક્તક અને એક ગઝલ ….. ચીમન પટેલ ‘ચમન’

એક શેર

કડવું મારાથી કોઈને કહેવાતું નથી!
સાચું કહું તો સૌથી સહેવાતું નથી!

એક મુક્તક

પદવીના પિંજરમાં મને પૂરાવું ગમતું નથી!
ભલે આગ્રહ છે સૌનો, મનને મનાવું નથી!
પડે જૂતા જશને માથે જાણો છો આપ સહુ,
ફળદૃપ આ ખેતરને આ ઉમ્મરે ખેડવું નથી!

ગઝલ

મારે શું કરવું?

ભલે હોય એ પુષ્પ રંગીન, ચૂંટી મારે શું કરવું?
નથી જેમાં થોડીયે સુવાસ, સુંધી મારે શું કરવું?

નયન લાગે એમના જાણે પ્યાલી શરાબની,
બોટલ મોંધી બજારની ખરીદી મારે શું કરવું?

અવિનાશે આપ્યું રૂપ ખુલ્લા હાથે તો તમને,
મલીન કરે મારા મનને મોહી મારે શું કરવું?

ભલે ગાઈ શકો છો ગીતો કોકિલ કંઠથી તમે
સમજી ન શકુ જે રાગને જાણી મારે શું કરવું?

લખી દીધુ ઉતાવળે લખ્યું છે પત્રના અંતે તમે,
સમજાય ના જે પ્રેમપત્રોને વાંચી મારે શું કરવું?

મજા છે તાપણીની ચેતાવનાર એને જો મળે!
પાણી રેડીને મને પૂછો ચેતાવી મારે શું કરવું?

દર્દ આપી ગયા એવું અંતિમ વેળાયે ‘ચમન’
દિલના દર્દપર હવે દવા મૂકી મારે શું કરવું?

*****************
*ચીમન પટેલ ‘ચમન’ (૨૦ડિસેમ્બર’૧૫)

શાંતિ સંદેશ-ફોટોકુ! November 21, 2015

Posted by chimanpatel in : ફોટોકુ , add a comment

શાંતિ સંદેશ

મુંબાઈ November 8, 2015

Posted by chimanpatel in : Uncategorized , add a comment

મુંબાઈ

November 7, 2015

Posted by chimanpatel in : ગ્રુપ ફોટો , add a comment

FullSizeRender[1]

હાઈકુ ને તાનકા

Posted by chimanpatel in : તાનકા,હાઈકુ , add a comment

હાઈકુ ને તાનકા

પ્રિતનું સુખ રે! (ઊર્મિ કાવ્ય) November 6, 2015

Posted by chimanpatel in : કાવ્યો , add a comment

પ્રિતનું સુખ રે!
તારું મલકંતું રૂપાળું મુખ રે!
નિત નિત એને નિરખું તોયે-
ન જોયાનું થાય મને દુઃખ રે!
તારું મલકંતું રૂપાળું મુખ રે!
પલક પલક થતી પાંપણે તું
વીંઝી રહી છે વીંજણો હેમનો
પ્રેમના પ્રસ્વેદ પર થતી એની
અસર, સમજાવું હું કેમનો?

કામણગારી કીકીને કાંઠડે બેસી
સંતોષવી મારે હૈયાની ભૂખ રે!
તારું મલકંતું રૂપાળું મુખ રે!
સ્મિત છલકાવીને તું તો
મૂંઝવણમાં મૂકી દેતી મને
જાય દિવસ વિચારોમાં તારા ને
રાતે સોલણામાં લપેટી લેતી!

મન મંદિરમાં મૂકીશ વહેતું
પ્રિતનું ક્યારે તું સુખ રે!
તારું મલકંતું રૂપાળું મુખ રે!
**********
*ચીમન પટેલ ‘ચમન’ (૨૧મે૧૯૬૫;ભાવનગર)

ફલાફલના ગોટાનો લોટ! November 5, 2015

Posted by chimanpatel in : Uncategorized , add a comment

ફલાફલના ગોટાનો લોટ કેમ તૈયાર કરવો
(સ્વઃ નિયંતિકા પટેલ)
પ્રિયે,
તારી પાછળ મેં સમુહ ભજનો નો’તા રાખ્યા, પણ આજે જાહેરમાં તને યાદ કરવાની મારી અલગ રીતથી, તું જ્યાં હોય ત્યાં, તને જાણ કરું છું.

એક દિવસ હું પેન્ટ્રીમાં કંઇક ખોળતો હતો ને એક કાચની બરણીમાં લોટ જેવું દુરથી દેખાતાં એને બહાર કાઢીને જોતાં, તારા અક્ષ્રરોમાં લખાયેલી એક ચબરકી જોવા મળી! એ વાંચતાં, એની પાછળ કરેલી તારી મહેનતનો મને અહેસાસ થયો. આ લોટને નાખી દેવાનું મન ન થયું! તને આ ધરતી છોડે ત્રણ વર્ષ થઇ ગયા, પણ આ લોટ ખરાબ થયો નથી એનું કારણ સમજાયું!

નીચેના કઠોળ ‘ઓવન’માં શેકવામાં આવ્યા હતા, અને એને ‘બ્લેન્ડ’ કરી તૈયાર કરી રાખ્યા હતા એની પહેચાન થઇ. તું એનો લાભ ન લઇ શકી! મને થયું કે તારા અક્ષ્રરોવાળી ચબરખી હું સાચવી રાખીશ સ્મૃતિ માટે. આજે તારી ‘રેસેપી’ને ટાઇપ કરી તારા ‘લેડીઝ’ મિત્રોને મોકલું છું તો એ મિત્રપત્નીઓ આ રેસેપીનો ઉપયોગ કરશે ત્યારે ત્યારે તને યાદ કરશે. આજે ખાસ સમય કાઢી તારી રેસીપી અહિ ટપકાવું છું.
• ૧ પેકેટ મોટા ચણા ૧૬ ઔંસ
• ૧ કપ આખા મગ
• ૧ કપ ઘઉના ફાડા
• ૧ કપ તુવેરની દાળ
• ૧ કપ ચોખા
• ૧/૨ કપ અડદની દાળ
આ બધુ ઓવનમાં શેકીને ‘બ્લેન્ડ’ કરવું.(આમાં ધાણા શેકીને ‘બ્લેન્ડ’ કરી નાખી શકાય)
નોંધઃ દિકરી હેતાએ આ લોટમાંથી ગોટા બનાવ્યા ને બધાને ખૂબ જ ભાવ્યા.

Type in
Details available only for Indian languages
Settings Settings reset
Help
Indian language typing help
View Detailed Help