કંકોતરી January 14, 2008
Posted by chimanpatel in : કાવ્ય , add a comment 
*****નારી ગણાય નમઃ *****
શ્રીમાન/શ્રીમતીઃ ગુર્જર આર્યપુત્રો ને દેવીઓને
નારી ગણાય નમઃ છે ત્યાં ભગવાનનું નામ આમ આવવું જોઈએ. પણ,અમારા ઘરમાં ઘર્મસંકટ ઊભું થતાં અમે એમ કરી શકયા નથી. હું પોતે શિવનો પૂજારી છું. શ્રીમતીજી માતાજીમાં માને છે અને બાળકો બજરંગબલીમાં ! ભગવાનનું નામ લખવાથી ભગવાનની કૃપા ઊતરી આવશે એવું આ દેશમાં રહીને ભણેલા માણસે માની લેવું યોગ્ય તેા નથી. જો કોઈની કન્યા લગ્નમાં મેળવવી હોય તેા એ નારીઓની કૃપા અને સહકાર વગર શક્ય નથી. લગ્નમાં પુરુષો ન દેખાય તેા ચાલે. પણ, નારીગણની ગેરહાજરી પોસાય નહિ ! લગ્નમાં નારીઓનું હલન ચલન, રંગ-બેરંગી ભારે સાડીઓના રંગની રેલમછેલ, સોના જેવા દેખાતા પણ સસ્તા ઘરેણાઓ ઘરમાં હોય એટલા એકી સાથે શરીર પર શોભશે કે નહિ નો વિચાર કર્યા વગર પહેરેલા હોય. કાગડા કંઠે ( પુરુષનો કોયલ કંઠ અને નારીઓનો કાગડા કંઠ મુવી વાળાઓને આજ કાલ વઘારે ગમે છે) માંડ માંડ ગવાતા લગ્નના ગીતો લગ્નસ્થળને ભલે ન ગજાવી મૂકે, પણ એ બઘાને ગમે છે. એટલે જ, આ વખતે ભગવાનને વેકેશન આપ્યું છે. નારીગણને યાદ કરીને નવો ચીલો પાડ્યો છે. (more…)
પેચ પતંગના December 30, 2007
Posted by chimanpatel in : કાવ્ય , add a comment
અવકાશે
ઊડી રહ્યા રંગીન પતંગો
ગેલ કરતા
નમી પડતા
ઉડાડનારનું મન હરતા
ઘાબેથી કોઈ ઢળી પડતા
પતંગ કપાતાં
થઈ જતી દોડા દોડી.
પતંગ મારો
નીકળ્યો સારો
જોનારની આંખમાં ખૂંચે
ઊડી રહ્યો એટલો ઊંચે.
એકાએક;
ગુમાન મારું
આવ્યું શું આડુ?
મંડ્યો લોટવા એ
ના’વ્યો કાબૂમાં જે
પડ્યો જઈ પડોશીની પતંગ પર!
ગૂલાંટ મારી
પેચ લગાવી
ઊડી રહ્યો ગર્વથી જ્યારે
મર્મ એનો સમજાયો ત્યારે!
ઢીલ મૂકતાં દોરીની
કપાઈ પતંગ ગોરીની!
ત્યારથી;
લડાઈ ગયા છે પેચ દિલના !!
૦ ચીમન પટેલ ‘ચમન’
ચૂંટણીના ચણા December 29, 2007
Posted by chimanpatel in : કાવ્ય , add a comment
ભારતની ચૂંટણીના સૌને મીઠા લાગેરે ચણા,
ખાવા માટે જ ભેગા થાય ચૌટે ને ચોરે ઘણા.
વોટ લેવા વાતો કરે ઉમેદવારો આવીને સારી,
સગાઈ રાખે નહિ ચૂંટાયા પછી તારી ને મારી.
પાટલી પારટિની બદલતાં વાર જ લાગે નહિ,
મેવા ખાવામાં સેવાનો સમય કોને મળે અહિ !
ચૂંટણીમાં ‘મુવી સ્ટારો’ હવે તો ઘણા કૂદી પડે,
પ્રચાર માટે પરદેશમાંથી પણ થોડા આવી ચડે.
પૈસા લઈ પાર્ટીઓના ગાય સરઘસમાં ગાણા,
ગામના ગવારો પણ થઈ જાય ચૂંટણીમાં શાણા.
ઓળખી કેમ શકે જનતા પહેરે એવા તો વાઘા,
મહીં મહીં જે મરી પડે મૂકીને સિદ્વાન્તો આઘા.
લોઢું ને લવારનો જે દેશમાં મેળ ન કદી પડે,
મુંઝવી મારેલાને મારગ ‘ચમન’ ક્યાંથી જડે?
૦ ચીમન પટેલ ‘ચમન’
દિલ December 28, 2007
Posted by chimanpatel in : કાવ્ય , add a commentદિલ કેવું છે ?
પરણ્યા પહેલાં-
એની રાહ જોવામાં
દર્દ દિલનું વધી જતું’તું!
પરણ્યા પછી-
એની રાહ જોવામાં
દર્દ દિલનું વધી જતું નથી!!
ચીમન પટેલ ‘ચમન’
મુક્તકો August 27, 2007
Posted by chimanpatel in : મુક્તકો , 1 comment so far” વિદાય
જોઈ એને મેં મંડપમાં જાતી,
આંખડી જેની આંસુમાં ના’તી,
રમી આટલા દિન જે ભવનમાં
જઈ રહી સાસરે હિબકા ખાતી.
૦ ચીમન પટેલ ‘ચમન’
૦૨/૦૯/’૬૫
” સનમ
અબોલા લઈ કૃર થઈ બેઠા,
વળી મારાથી દૂર જઈ બેઠા,
કહું કોને વિપત કથા મારી-
ચેન મારું બધુ લૂંટી લઈ બેઠા.
૦ ચીમન પટેલ ‘ચમન’
૦૨/૧૭/’૬૫
” શરાબી
રાત-દિવસ અમારો તમારામાં જીવ છે,
સમજી બેઠા યારો કે ભ્રમણામાં જીવ છે,
અમારે મન તો તું છે કંચન કે કામિની -
શરાબી આ જીવનો પ્યાલીમાં જીવ છે!
૦ ચીમન પટેલ ‘ચમન’
૦૨/૧૫/’૬૪
” વ્હેમ
સુખ સાંપડ્યું’તું સ્વર્ગનું સૂતાં સૂતાં સ્વપ્નમાં,
ઊઘડી ગઈ આંખ મારી ઘોંઘાટ થતાં ઘરમાં,
કેમ જગાડ્યો પૂછતાં પત્નીએ કીધું વ્યંગમાં
વહેમ પડ્યો’તો મને હસતા’તા તમે ઊંઘમાં !
૦ ચીમન પટેલ ‘ચમન’
૦૨/૧૫/’૬૪
