jump to navigation

એવું બને! August 29, 2016

Posted by chimanpatel in : ગઝલ , 3 comments

એવું બને!
કેડમાં હોય છોરુ ને ખોળો બધે, એવું બને!
કેદાર જઇને જાત્રા, અધુરી રહે, એવું બને!

મૂકી આવીએ માબાપને, ઘરડા ઘરમાં જઇ,
મૃત્યુ પછી ભજનો, નિત ગાઇએ, એવું બને!

પૈસા લખાવો આગળ પડી, ટીપ્પણીમાં કાયમ,
માગવા આવે ઘેર જ્યારે, મોઢું બગડે, એવું બને!

મંદિર બનાવ્યું મોટું ઘરમાં પૈસા ખૂબ ખરચીને,
ગામના મંદિરોના દર્શને, જીવ દોડે. એવું બને!

પતિ જો હોય જ્ઞાની, ધાર્મિક ને પુસ્તકોનો પંડિત,
બાપુને સાંભળવા બેસો, સખીઓ જોડે, એવું બને!

પત્ની મળી વફાદાર ને વળી સીતા સમી ‘ચમન’,
મંદિરોમાં જઈને નજર, રાવણની બને, એવું બને!

• ચીમન પટેલ ‘ચમન’ (૧૬ઓગષ્ટ’૧૩/૨૮ઓગષ્ટ’૧૬)

ગઝલ ને મુક્તક August 15, 2016

Posted by chimanpatel in : ગઝલ,મુક્તકો , 6 comments

મૂંઝવણ

અણસાર આંખનો થાતાં જડી વાટ મને તારી,
ભરું છું ડગ ત્યાં ખસી રહી ભૂમી પગ તળે મારી!

આવવું હતું જો અહીં તો ગઈ શું આમ ચાલી?
કીધુ કાં ન, સરકી જવું’તુ દઈ મને હાથ તાલી!

તલસાવવા ધર્યો’તો શું ભરી ગ્લાસ પ્રિતનો?
કદી હિંચકે બેસી કીધો વિચાર મુજ હિતનો?

અબોલા લઈ અલબેલી થાય પરીક્ષા શું ઘેરી?
વાયો છે વંટોળ વડીલોનો કે થયું છે કોઈ વેરી?

સમજાય ના મુજને મુખ ફેરવે કાં જોઈ તું મને?
મૂંઝાઈ રહ્યું છે મન, થઈ ગયું છે પ્રિયે શું તને?

સિંચી પ્રેમ જીવીત રાખ્યો તે ‘ચમન’ જીવનનો;
વેદના વળગી છે વિરહની તરફડે જીવ ભવનનો!

*ચીમન પટેલ ‘ચમન’
(૨૦જુલાઈ૧૯૬૪/૧૫ઓગષ્ટ’૧૬)

ભ્રમણા
અમારે ક્યાં સુધી રહેવું હવે તમારી આશામાં?
ભ્રમણા તો નથી ઉભી કરી પત્રોની ભાષામાં!

એક શેર, એક મુક્તક ને એક ગઝલ! January 24, 2016

Posted by chimanpatel in : ગઝલ , 2 comments

એક શેર,એક મુક્તક અને એક ગઝલ ….. ચીમન પટેલ ‘ચમન’

એક શેર

કડવું મારાથી કોઈને કહેવાતું નથી!
સાચું કહું તો સૌથી સહેવાતું નથી!

એક મુક્તક

પદવીના પિંજરમાં મને પૂરાવું ગમતું નથી!
ભલે આગ્રહ છે સૌનો, મનને મનાવું નથી!
પડે જૂતા જશને માથે જાણો છો આપ સહુ,
ફળદૃપ આ ખેતરને આ ઉમ્મરે ખેડવું નથી!

ગઝલ

મારે શું કરવું?

ભલે હોય એ પુષ્પ રંગીન, ચૂંટી મારે શું કરવું?
નથી જેમાં થોડીયે સુવાસ, સુંધી મારે શું કરવું?

નયન લાગે એમના જાણે પ્યાલી શરાબની,
બોટલ મોંધી બજારની ખરીદી મારે શું કરવું?

અવિનાશે આપ્યું રૂપ ખુલ્લા હાથે તો તમને,
મલીન કરે મારા મનને મોહી મારે શું કરવું?

ભલે ગાઈ શકો છો ગીતો કોકિલ કંઠથી તમે
સમજી ન શકુ જે રાગને જાણી મારે શું કરવું?

લખી દીધુ ઉતાવળે લખ્યું છે પત્રના અંતે તમે,
સમજાય ના જે પ્રેમપત્રોને વાંચી મારે શું કરવું?

મજા છે તાપણીની ચેતાવનાર એને જો મળે!
પાણી રેડીને મને પૂછો ચેતાવી મારે શું કરવું?

દર્દ આપી ગયા એવું અંતિમ વેળાયે ‘ચમન’
દિલના દર્દપર હવે દવા મૂકી મારે શું કરવું?

*****************
*ચીમન પટેલ ‘ચમન’ (૨૦ડિસેમ્બર’૧૫)

ડગ ભરતો રહ્યો! February 8, 2015

Posted by chimanpatel in : ગઝલ , 2 comments

ડગ ભરતો રહ્યો!

પડ્યા ઉપર પડતા રહ્યા પાટા ને, હું ડગ ભરતો રહ્યો!
ધર્મના કામમાં ખુદને ભુલી જઈને, હું કામ કરતો રહ્યો!

હતો ડાઘ દિલ પર મારા ને, હું સાબુ ઘસતો રહ્યો,
ભૂલો હતી મિત્રોની મારા ને, હું સાથ આપતો રહ્યો!

લસણ ડુંગરી ના ખવાય કહી બધાને, ખુદ ખાતો રહ્યો
ના શીખ્યા ઘરના કંઈ ને પાઠ જગને, ભણાવતો રહ્યો.

ન બોલવામાં તો નવ ગુણ, વડવાઓ આ કહી ગયા
બોલવામાં તો બાર ગુણ, એટલે તો હું બોલતો રહ્યો!

ન આપવા પડે પૈસા ખીસ્સામાંથી પારકાની પંચાતમાં,
વણ માગે બીજાઓને એટલે, સલાહો તો આપતો રહ્યો!

વાંચી ગયો છું ગીતા ઘણી વાર, સમજ્યા વિના શ્ર્લોકો?
તક મળતાં મિત્રોને મારા, શ્ર્લોક ગીતાના ટાંકતો રહ્યો!

સંતો-મહંતો આવી ગયા ગામમાં કેટલા કે’શો ‘ચમન’?
ના શીખ્યો કંઈ હજુ પણ, સમય કિમતી વેડફતો રહ્યો!

ચીમન પટેલ ‘ચમન’ (૯ નવે’૧૪)

માનવ જન્મ January 25, 2014

Posted by chimanpatel in : ગઝલ , 6 comments

જીભ ચાલે છે તો બોલો, બીજાને દુભાવવા તો નહિ!
હાથ લંબાવો તો મદદ માટે, લાફો મારવા તો નહિ!

વસ્ત્રો ખરીદો એવા બદનને ખૂલ્લા રાખવા તો નહિ!
પગરખાં છે પગ સાચવવા, બીજાને કચડવા તો નહિ!

પાણી પ્રિતના જો પાવો, તરસ્યા રાખવા તો નહિ!
શોબત શરાબની રાખો તો, ભાન ભુલવા તો નહિ!

મણકા માળાના ફેરવો , મનને મણાવવા તો નહિ!
ભજન ભગવાનના ભજો, દેખાવ કરવા તો નહિ!

સેવા કરો સમાજની, સ્વમાન ગુમાવવા તો નહિ!
વાતો વિશ્ર્વશાંતિની કરો, ખુદની લુંટાવવા તો નહિ!

સ્વાર્થને સાથમાં રાખી સબંધ બગાડવા તો નહિ!
આશરો અસત્યનો લઇ, સત્યને છૂપાવવા તો નહિ!

કામ આજનું આજે કરો, મુલતવી રાખવા તો નહિ!
માનવ જન્મ ‘ચમન’ મળ્યો, વેડફી નાખવા તો નહિ!

• ચીમન પટેલ ‘ચમન’ (૧૧જાન્યુ ‘૧૪)

તાલી પાડુ છું! November 17, 2013

Posted by chimanpatel in : ગઝલ , 10 comments

વ્યક્તિ ઓળખું કે ન ઓળખાય, તાલી પાડું છું!
ભાષણ સમજાય કે ન સમજાય, તાલી પાડું છું!

તાલી મારે પાડવી કે ન પાડવાની માથાકૂટ છોડી,
મોં ભલેને પ્રેક્ષકોનું પછી મરડાય, તાલી પાડું છું!

પાર્ટી સંગીતની હોય કે હોય ક્યાંય ભજનો પછી,
ગાનાર સાંભળીને પછી હરખાય, તાલી પાડું છું!

માઇક મળતાં ભાન સમયનું જે ભૂલી જતા હોય;
બેસી જવાનું એમને પછી સમજાય, તાલી પાડું છું!

મહેમાનોને સાંભળી, તાલીઓથી વઘાવ્યા પછી,
ઘરકી મુરઘી દાળ પછી ન કહેવાય, તાલી પાડું છું!

તાલી પાડવાની ટેવ પડી ગઇ છે હવે તો એવી,
જાત મારી પછી સૌને પરખાય, તાલી પાંડુ છું!

સરી જાય શબ્દો ગઝલના સમજ્યા વગર સૌને
‘ચમન’ પછી એકલો ન પડી જાય, તાલી પાડું છું!
***************
ચીમન પટેલ ‘ચમન’ (૧૭નવેમ્બર’૧૩)

મળે ન મળે! October 6, 2013

Posted by chimanpatel in : ગઝલ,Uncategorized , 3 comments

જમીલો પકવાન પેટ ભરી, ફરી મળે ન મળે!
લખીલો તમે ગઝલ, શબ્દ ફરી, મળે ન મળે!

વિદેશે ફરવાનું હવે થઇ ગયું છે એવું તો સહેલું,
મન ભરી ફરીલો તક આ પછી, મળે ન મળે!

કરી રાખ્યું છે ઘન ભેગું આજ સુધી તો ઘણું,
દઇ દો દાનમાં થોડુ લેનારા વળી, મળે ન મળે!

કરી છે તમે વાતો ખોટી ઘણી બધી આજ સુધી,
કહિ દો હવે તો સાચું, સાંભળનાર ફરી, મળે ન મળે!

નવા વર્ષે જાય છે તું દોડતો મંદિરે દર્શને તો કાયમ,
કરી લે દર્શન માબાપના ઘરમાં પછી, મળે ન મળે!

નથી જાણતા કોઇ, આ દિલ બંધ પડી જાશે ક્યારે,
કરીલે હવે તું માનવ દર્શન દિલ ભરી, મળે ન મળે!

નવું તે શું જાણ્યું સભાઓમાં જઇ જઇ ‘ચમન’
મહીના અવાજ્ને તું સાંભળ કદી, મળે ન મળે!

• ચીમન પટેલ ‘ચમન’ (૨૫માર્ચ’૧૨)

એવું બને!

Posted by chimanpatel in : ગઝલ , add a comment

કેડમાં હોય છોરુ ને ખોળો બધે, એવું બને!
કેદાર જઇને જાત્રા, અધુરી રહે, એવું બને!

મૂકી આવીએ મા-બાપને, જઇ ઘરડા ઘરમાં,
મ્રુત્યુ પછી ભજનો, નિત ગાઇએ, એવું બને!

પૈસા લખાવો આગળ પડી, ટીપ્પણીમાં કાયમ,
માગવા આવે ઘેર જ્યારે ,મોઢું બગડે, એવું બને!

મંદિર બનાવ્યું ઘરમાં મોટું પૈસા ખૂબ ખરચીને,
ગામના મંદિરોના દર્શને, જીવ દોડે. એવું બને!

પતિ છો હોય જ્ઞાની, ધાર્મિક ને પુસ્તકોનો પંડિત,
બાપુને સાંભળવા જાઓ, સખીઓ જોડે, એવું બને!

પત્ની મળી વફાદાર ને વળી સીતા સમી ‘ચમન’,
કથાઓ સાંળતાં નજર, રાવણની બને, એવું બને!

• ચીમન પટેલ ‘ચમન’ ( ૧૬ઓગષ્ટ’૧૩)

પડી ગયો! September 24, 2012

Posted by chimanpatel in : ગઝલ,Uncategorized , add a comment

કહ્યં મે સાચું એને પણ હું તો ખૂલ્લો પડી ગયો,
ગયો મારું ન સાંભળીને પછી ભૂલો પડી ગયો.

સગાએ મોકલી કંકોતરી ગામની ટપાલમાં
પછી તો આ બધાનો ત્યારથી ચીલો પડી ગયો.

તમે ‘બોક્સ ગીફ્ટ’ કે બાળકો વિશે ભલે લખો,
બધાનો આંખ આડા કાનનો ચીલો પડી ગયો.

નથી ચિંતા તમારા આ અવસરના ખર્ચની,
રસમ ખાલી અહિ ‘આરએસવીપી’નો પડી ગયો.

ફરી વળે ‘ચમન’ જુઠ ઝડપથી ચારે તે કોર,
સહુંને સાચું કે’નારો જૂઓ એકલો પડી ગયો.

* ચીમન પટેલ “ચમન” (૨૦જુલાઇ’૧૨)

૨૦૦૮નુ સ્ટોક માર્કેટ January 3, 2009

Posted by chimanpatel in : ગઝલ , add a comment

સ્ટોક માર્કેટ-૨૦૦૮

માર્કેટ આજ કાલ ઇન્ટરનેટ પર રમીએ,
ડાઉન ડે જોઇને મહી મહી રોઇ પડીએ.

કર કસર કરીને કમાણી સૌએ તો કરી,
એવરેજ કરવા સ્ટોકની થેલી તો ભરી.

ટીપ સ્ટોકની લેવાની ભઇ હવે તો છોડો,
દોડશે નહિ મોઘવારીમાં આ ઘરનો ઘોડો !

અજાણ્યા પાણીમાં કદી ન કૂદી પડાય,
સમજ્યા વિના સ્ટોકને ન કદી ખરીદાય.

પૈસા બનાવ્યાની વાતો કરનારા ખૂબ મળે,
પૈસા ગુમાવનાર ખોળ્યા નજરે પણ ન ચડે.

ચળકે એ બઘું ના હોય ભલા ભઇ સોનું,
સ્ટોકમાં ઘર બનાવ્યાનું જાણ્યું છે કોનું ?

રાંડ્યા પછી તો ડહાપણ ભઇ સૌને આવે,
બીજાના ભાણાનો લાડું મોટો સૌને ભાવે.

હારેલો જુગારી તો ભઇ સદા બમણું રમે,
તમને ‘ચમન’પછી એ ગમે કે ન ગમે !!

૦ ચીમન પટેલ ‘ચમન’
૨૮ ડિસેમ્બર’૦૮

Type in
Details available only for Indian languages
Settings Settings reset
Help
Indian language typing help
View Detailed Help